ന്യൂഡൽഹി: ഭീകരതയോട് ഒരു തരത്തിലുള്ള സഹിഷ്ണുതയും കാട്ടില്ലെന്ന് ആഭ്യന്തരമന്ത്രി രാജ്നാഥ് സിംഗ്. ന്യൂഡൽഹിയിൽ ഉന്നതതല യോഗത്തിൽ സംസാരിക്കവെയാണ് അദ്ദേഹം നിലപാട് വ്യക്തമാക്കിയത്. ഭീകര വിരുദ്ധ നടപടികൾ അവലോകനം ചെയ്ത രാജ്നാഥ് സിംഗ്, ഭീകരവാദത്തിന്റെ വേരുകൾ അറുത്തുമാറ്റണമെന്നും ആവശ്യപ്പെട്ടു.
ഭീകരർക്കു സാന്പത്തിക സഹായം ലഭിക്കുന്നത് തടയേണ്ടതിന്റെയും കള്ളനോട്ടുകളുടെ വ്യാപനം തടയേണ്ടതിന്റെയും ആവശ്യകത രാജ്നാഥ് സിംഗ് യോഗത്തിൽ ചൂണ്ടിക്കാട്ടി. ഭീകരതയെ ചെറുക്കുന്നതിനായി കൈകോർക്കാൻ സൗഹൃദരാഷ്ട്രങ്ങളോട് അദ്ദേഹം അഭ്യർഥിച്ചു.
