മുഖ്യമന്ത്രിയുടെ ദുരിതാശ്വാസ നിധിയിലേക്ക് വ്യക്തിപരമായി നല്‍കിയ 25 ലക്ഷം രൂപയ്ക്ക് പുറമെ വസ്ത്രങ്ങളും നല്‍കുമെന്ന് മോഹന്‍ലാല്‍. താന്‍ ബ്രാന്‍ഡ് അംബാസിഡറായ എംസിആര്‍ വസ്ത്ര നിര്‍മാതാക്കളുമായി ചേര്‍ന്നാണ് വസ്ത്രം നല്‍കുക എന്ന് അദ്ദേഹം അറിയിച്ചു. നാല് ട്രക്കുകളിലായി നാളെ വസ്ത്രം എത്തിക്കുമെന്ന് അദ്ദേഹം വ്യക്തമാക്കി. നേരത്തെ അമ്മ സംഘടനയും മോഹന്‍ലാലിന്റെ നിര്‍ദ്ദേശപ്രകാരം പണം നല്‍കിയിരുന്നു. വിവിധ സിനിമാ ഇന്‍ഡ്രസ്ട്രികളില്‍നിന്ന് മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം പ്രവഹിക്കുകയാണ്.

പപ്പയുടെ സ്വന്തം അപ്പൂസ് എന്ന മമ്മൂട്ടി ചിത്രത്തില്‍ അപ്പൂസായി വേഷമിട്ട ബാദുഷ നായകനാകുന്ന ചിത്രമാണ് വിശുദ്ധ പുസ്തകം. ജഗദീപ് കുമാര്‍ തിരക്കഥയെഴുതിയ ചിത്രം ഷാബു ഉസ്മാനാണ് സംവിധാനം ചെയ്യുന്നത്. പത്തനംതിട്ടയിലെ കോന്നിയിലും പരിസര പ്രദേശങ്ങളിലും സിനിമയുടെ ചിത്രീകരണം പുരോഗമിക്കുകയാണ്. പുതുമുഖം ആലിയയാണ് നായിക. ശിവപാര്‍വ്വതി ഫിലിംസിനു വേണ്ടി രാജേഷ് കളരിക്കലാണ് ചിത്രം നിര്‍മ്മിക്കുന്നത്. ആലിയ ,നീനാ കുറുപ്പ് ,കനകലത, ബാലതാരം മീനാക്ഷി ,മായാശങ്കര്‍ , മാമുക്കോയ, ഇന്ദ്രന്‍സ്, കലാശാല ബാബു ,മനോജ് ഗിന്നസ് , മനോജ് പന്തളം ,കോബ്രാ രാജേഷ് ,കൊല്ലം സിറാജ് ,ഋഷി …

മലയാളത്തിന്റെ യുവനടൻ ദുൽഖർ സൽമാൻ ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്‍ലിയുടെ വേഷത്തിലെത്തുന്നു? ബോളിവുഡിൽനിന്നുള്ള റിപ്പോർട്ടുകൾ വിശ്വസനീയമെങ്കിൽ ദുൽഖർ സൽമാൻ വിരാട് കോഹ്‍ലിയുടെ വേഷത്തിലെത്തുന്ന ചിത്രം അടുത്ത വർഷം ഏപ്രിലിൽ തിയറ്ററുകളിലെത്തും. ദുൽഖർ ആദ്യമായി നായകവേഷത്തിലെത്തിയ ഹിന്ദി ചിത്രം കർവാൻ തിയറ്ററുകളിൽ തുടരുമ്പോഴാണ്, ഇന്ത്യൻ ക്യാപ്റ്റന്റെ വേഷത്തിൽ താരമെത്തുമെന്ന റിപ്പോർട്ട്. സോനം കപൂറാണ് ചിത്രത്തിലെ നായിക. അനുജ ചൗഹാന്റെ ജനപ്രിയ നോവലായ ദ് സോയ ഫാക്ടറിൽനിന്ന് പ്രചോദനമുൾക്കൊണ്ടാണ് ചിത്രം ഒരുക്കുന്നത് എന്നാണ് റിപ്പോർട്ട്. 2008ലാണ് ഈ നോവൽ പുറത്തിറങ്ങിയത്. സോനം കപൂറിന്റെ ഉടമസ്ഥതയിലുള്ള …

ചെന്നൈ: തമിഴ് താരം വിക്രത്തിന്റെ മകൻ ധ്രുവ് സഞ്ചരിച്ച വാഹനം അപകടത്തിൽപ്പെട്ട് ഒരാൾക്കു പരുക്കേറ്റു. സിറ്റി പൊലീസ് കമ്മിഷണറുടെ വസതിക്കു സമീപമായിരുന്നു അപകടം. അപകടത്തിൽ ഓട്ടോ ഡ്രൈവറുടെ കാലിനു പരുക്കേറ്റു. ഇയാൾ ആശുപത്രിയിലാണ്. ധ്രുവ് മദ്യപിച്ചിരുന്നതായും അറസ്റ്റ് ചെയ്തതതായും റിപ്പോർട്ടുണ്ട്. സംവിധായകൻ ബാലയുടെ പുതിയ ചിത്രമായ ‘വർമ’യിലൂടെ സിനിമയിൽ അരങ്ങേറ്റം കുറിക്കാനൊരുങ്ങുകയാണു ധ്രുവ്.

കേരളത്തില്‍ മഴക്കെടുതിമൂലം ദുരിതമനുഭവിക്കുന്നവര്‍ക്ക് തമിഴ് സിനിമ മേഖലയില്‍ നിന്നും ആദ്യത്തെ ധന സഹായം. നടന്‍ സൂര്യയും സഹോദരന്‍ കാര്‍ത്തിയുമാണ് സഹായം പ്രഖ്യാപിച്ചത്. ഇരുവരും ചേര്‍ന്ന് ഇരുപത്തിയഞ്ച് ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കും. തിങ്കളാഴ്ച പണം കൈമാറും. മലയാളി സുഹൃത്തുക്കളില്‍ നിന്നും കേരളത്തിലെ അവസ്ഥ ചോദിച്ചറിഞ്ഞതിന് ശേഷമാണ് പണം നല്‍കാന്‍ തീരുമാനിച്ചത്. മുഖ്യമന്ത്രിയുടെ ദുരിതാശ്വാസ നിധിയുടെ പ്രാധാന്യം മനസിലാക്കിയാണ് താരങ്ങളുടെ ഇടപെടല്‍. കേരളത്തോടും  മലയാളികളോടും പ്രത്യേക സ്നേഹമാണെന്നും എത്രയും പെട്ടന്ന് ദുരിതബാധിത പ്രദേശങ്ങള്‍ സാധരണ നിലയിലേക്ക് ആകട്ടെയെന്നും സൂര്യ പറഞ്ഞു. തമിഴ്നാട്ടിലെ സിനിമ പ്രവര്‍ത്തകരുടെ …

ഇയ്യോബിന്‍റെ പുസ്തകത്തിന് ശേഷം അമൽ നീരദും ഫഹദ് ഫാസിലും ഒന്നിക്കുന്ന ചിത്രമാണ് ‘വരത്തന്‍’. ചിത്രത്തിൽ നസ്രിയ നസീം ആലപിച്ച ആദ്യ ഗാനമാണ് ഇപ്പോൾ പുറത്തിറങ്ങിരിക്കുന്നത്. ‘ പുതിയൊരു പാതയില്‍’ എന്ന് തുടങ്ങുന്ന ഗാനത്തിന്‍റെ ലിറിക്കല്‍ വീഡിയോ ആണ് ചിത്രത്തിന്‍റെ അണിയറ പ്രവര്‍ത്തകര്‍ പുറത്ത് വിട്ടിരിക്കുന്നത്. പ്രേക്ഷകർ ഏറെ ആകാംഷയോടെ കാത്തിരിക്കുന്ന വരത്തൻ നിർമ്മിക്കുന്നത് നസ്രിയ തന്നെയാണ്. ‘ലാലാലസ’ എന്ന് തുടങ്ങുന്ന ഗാനത്തിന്‍റെ സംഗീതം നിർവ്വഹിച്ചത്  ഗോപീ സുന്ദറാണ്.  വരത്തന്‍റെ ഫസ്റ്റ് ലുക്ക് പോസ്റ്ററിനും ടീസറിനും വൻ വരവേൽപ്പാണ് പ്രേക്ഷകർ നൽകിയത്. വില്ലാന്മാരെ അടിച്ചിടുന്ന ഫഹദ് …

സംസ്ഥാന ചലച്ചിത്ര അവാർഡ് സമർപ്പണ ചടങ്ങിൽ അലൻസിയറിന്റെ വേറിട്ട പ്രതിഷേധം അരങ്ങേറി. മോഹൻലാൽ പ്രസംഗിച്ചുകൊണ്ടിരിക്കെ പ്രസംഗപീഠത്തിനു താഴെയെത്തി കൈവിരലുകൾ തോക്കുപോലെയാക്കി രണ്ടുവട്ടം വെടിയുതിർക്കുകയായിരുന്നു. മോഹൻലാൽ പറഞ്ഞുകൊണ്ടിരിക്കുന്നതു കള്ളമെന്ന ഭാവേനയായിരുന്നു മികച്ച സ്വഭാവ നടനുള്ള പുരസ്കാരം സ്വീകരിക്കാനെത്തിയ അലൻസിയറുടെ പ്രവൃത്തി. സ്റ്റേജിലേക്കു കയറി മോഹൻലാലിന്റെ അടുത്ത് എത്താനും ശ്രമം ഉണ്ടായി. തന്റെ പ്രവൃത്തിയിൽ പ്രതിഷേധം കാണേണ്ടതില്ലെന്നായിരുന്നു സംഭവത്തിനു ശേഷം അലൻസിയറുടെ പ്രതികരണം. ആ നിമിഷം എന്താണു ചെയ്തതെന്നു വ്യക്തമായ ഓർമയില്ലെന്നും അദ്ദേഹം പറഞ്ഞു. ചലച്ചിത്ര അക്കാദമി സെക്രട്ടറി മഹേഷ് പഞ്ചുവും പൊലീസും ചേർന്നു അലൻസിയറെ തടയുകയും സ്റ്റേജിനു …

അമ്മ സംഘടനയുടെ എക്‌സിക്യൂട്ടീവില്‍ ഡബ്ല്യുസിസി അംഗങ്ങളായ രേവതി, പത്മപ്രിയ, പാര്‍വതി എന്നിവര്‍ക്ക് തിരിച്ചടിയുണ്ടായി. കഴിഞ്ഞ ദിവസം നടന്ന എക്‌സിക്യൂട്ടീവ് യോഗത്തില്‍ 25 ല്‍പരം താരങ്ങള്‍ എഴുതിത്തയ്യാറാക്കിയ കത്തുമായിട്ടാണ് എത്തിയത്. കത്തിന്റെ തലക്കെട്ടില്‍ അമ്മ എന്നതിന് പകരം എഎംഎംഎ എന്നായിരുന്നു ഇവര്‍ എഴുതിയിരുന്നത്. അമ്മയെ തള്ളിപ്പറയുന്നവരെയല്ല ചര്‍ച്ചയ്ക്ക് വിളിച്ചത്, അമ്മ ഭാരവാിഹികളെയാണ് ചര്‍ച്ചയ്ക്ക് ക്ഷണിച്ചത് സംഘടനയുടെ പേരിനെ അവഹേളിക്കുന്ന രീതിയില്‍ കത്ത് തയ്യാറാക്കി വന്നവരോട് പേര് തിരുത്തിയാല്‍ മാത്രമെ ചര്‍ച്ചയ്ക്ക് തയ്യാറാവൂ എന്ന് മോഹന്‍ലാല്‍ ഉള്‍പ്പെടെയുള്ള ഭാരവാഹികള്‍ പറഞ്ഞു. എന്നാല്‍ ഇവര്‍ തിരുത്താന്‍ തയ്യാറാകാതെ വന്നതോടെ …

തിരുവനന്തപുരം: സംസ്ഥാന ചലച്ചിത്ര അവാര്‍ഡ് വിതരണം ഇന്ന് തിരുവനന്തപുരത്ത് നടക്കും. വിവാദങ്ങള്‍ക്കൊടുവില്‍ നടന്‍ മോഹന്‍ലാല്‍ മുഖ്യാതിഥിയായി ചടങ്ങില്‍ പങ്കെടുക്കും. വൈകിട്ട് ആറ് മണിക്ക് നിശാഗന്ധിയിലാണ് പരിപാടി സംഘടിപ്പിച്ചിരിക്കുന്നത്. മലയാള ചലച്ചിത്ര മേഖലയ്ക്ക് നല്‍കിയ സമഗ്ര സംഭാവനയ്ക്കുള്ള ജെസി ഡാനിയല്‍ പുരസ്‌കാരവും അവാര്‍ഡുകളും മുഖ്യമന്ത്രി പിണറായി വിജയന്‍ സമ്മാനിക്കും. ചലച്ചിത്ര സംബന്ധിയായ പുസ്തകത്തിനും ലേഖനത്തിനുമുള്ള പുരസ്‌കാരങ്ങളും ചടങ്ങില്‍ സമ്മാനിക്കും. മികച്ച ചിത്രത്തിന്റെ നിര്‍മ്മാതാവിനും സംവിധായകനും രണ്ടു ലക്ഷം രൂപയും പ്രശസ്തിപത്രവും ശില്‍പ്പവുമടങ്ങുന്നതാണ് പുരസ്‌കാരം. രണ്ട് ലക്ഷം രൂപയാണ് മികച്ച സംവിധായകനുള്ള സമ്മാനത്തുക. മികച്ച നടനും നടിക്കും …

നടി ആക്രമിക്കപ്പെട്ട കേസിൽ പ്രതിയായ നടൻ ദിലീപിനെ താരസംഘടനയിൽ തിരിച്ചെടുക്കാൻ തീരുമാനിച്ച വിഷയത്തിൽ ഡബ്ല്യൂസിസിയും അമ്മ പ്രതിനിധികളും ചൊവ്വാഴ്ച ചർച്ച നടത്തും. വൈകുന്നേരം നാലിനെ കൊച്ചിയിലെ ക്രൗൺ പ്ലാസ ഹോട്ടലിലാണ് ചർച്ച നടക്കുക. വിഷയത്തിൽ ചർച്ച വേണമെന്ന് ആവശ്യപ്പെട്ട് ഡബ്ല്യൂസിസി പ്രതിനിധികൾ നേരത്തെ അമ്മയ്ക്ക് കത്ത് നൽകിയിരുന്നു. ദിലീപിനെ തിരിച്ചെടുക്കാൻ തീരുമാനിച്ച വിഷയത്തിൽ പ്രതിഷേധിച്ച് ചില നടിമാർ അമ്മയിൽ നിന്നും രാജി പ്രഖ്യാപിക്കുകയും ചെയ്തു. വിഷയത്തിൽ അമ്മയ്ക്കെതിരേ വ്യാപക വിമർശനം ഉയർന്നതോടെയാണ് അവർ ചർച്ചയ്ക്കായി ഡബ്ല്യൂസിസി പ്രതിനിധികളെ ക്ഷണിച്ചത്. അമ്മ പ്രസഡന്‍റ് മോഹൻലാൽ ഉൾപ്പടെയുള്ളവർ …