പുൽവാമ:പുൽവാമയിലെ അവന്തിപോരയിൽ സൈനിക വാഹന വ്യൂഹത്തിന് നേരെ ഉണ്ടായ കുഴിബോംബാക്രമണത്തിൽ .CRPF ജവാന്മാരുടെ മരണസംഖ്യ 40 കവിഞ്ഞു. ഒരു കാറും CRPF ബസും സ്‌ഫോടനത്തിൽ പൂർണ്ണമായും തകർന്നു. CRPF ബസിലുണ്ടായിരുന്ന ജവാന്മാരാണ് കൊല്ലപ്പെട്ടത്.കാറിൽ 350 കിലോ സ്ഫോടകവസ്തു ഉണ്ടായിരുന്നതായി അനുമാനിക്കപ്പെടുന്നു. സ്ഫോടനത്തെ അപലപിച്ച പ്രധാനമന്ത്രി ജവാന്മാരുടെ രക്തസാക്ഷിത്വം വെറുതെയാവില്ല എന്നാണ് അഭിപ്രായപ്പെട്ടത്. കോൺഗ്രസ് പ്രസിഡന്റ് രാഹുൽ ഗാന്ധിയും ഭീകരാക്രമണത്തെ അപലപിച്ചു.

ന്യൂഡൽഹി: തന്റെ ട്വിറ്റെർ അക്കൗണ്ട് വഴി എന്നും ജനങ്ങളുമായി സംവദിക്കുകയും പുതിയ ശൈലികൾ കണ്ടെത്തുകയും ചെയ്യുന്നത് നമ്മുടെ “തിരുവന്തോരം എംപി” ശശി തരൂരിന് ഒരു ഹോബിയാണ് . ഇന്ന് വാലന്റൈൻ ദിനമാണല്ലോ. കത്തോലിക്കാ സഭയിലെ ഒരു വിശുദ്ധനാണ് സെന്റ്.വാലന്റൈൻ. ഇക്കാരണത്താൽ കുറേക്കാലമായി സംഘ്പരിവാർ പോഷകസംഘടനകൾ വാലന്റൈൻ ദിനമാഘോഷിക്കുന്ന ഇണകളെ ദ്രോഹിക്കാറുണ്ട്. അതിനു പരിഹാരമായി ശശിതരൂർ വാലന്റൈൻ ദിനത്തിന് പുതിയ പേരിട്ടു. “കാമദേവദിവസ് ” ,അതായത് കാമദേവന്റെ ദിവസം.സംഘ് പരിവാർ ഇപ്പേരിൽ സന്തോഷിക്കുമെന്നാണ് തരൂരിന്റെ അഭിപ്രായം. Happy #ValentinesDay. If any Sangh Parivar trolls …

നാസ: മനുഷ്യന്റെ അന്യഗ്രഹ പഠനങ്ങളിൽ നിർണ്ണായക പങ്കുവഹിച്ച നാസയുടെ Opportunity Rover ന് അന്ത്യം സംഭവിച്ചതായി നാസ പ്രഖ്യാപിച്ചു.വെറും മൂന്നുമാസത്തെ കാലാവധിയാണ് Opportunity Rover നിർമ്മിക്കുമ്പോൾ നാസാ ലക്ഷ്യമിട്ടത്. ഭൂമിയിലേക്ക് ചൊവ്വയുടെ വളരെയധികം ചിത്രങ്ങളും ചൊവ്വയെ സംബന്ധിച്ചുള്ള വിവരങ്ങളും ശേഖരിച്ചു നൽകിയ മനുഷ്യനിർമ്മിത ഉപഗ്രഹമാണ് ഈ ആറുവീലൻ Opportunity Rover.ചൊവ്വയിൽ ഭൂതകാലത്തിലെന്നോ,വിദൂര ഭൂതത്തിലാകാം,ജീവന്റെ തുടിപ്പുകൾ ഉണ്ടായിരുന്നു എന്ന ആശയത്തിന് തെളിവുകൾ നൽകിക്കൊണ്ടാണ് Opportunity Rover കടന്നുപോകുന്നത്. നാസ യുടെ സ്പേസ് ദൗത്യ തലവൻ തോമസ് സുർബ്രൂച്ചെൻ ആണ് Opportunityയുടെ അന്ത്യം പുറം ലോകത്തെ ഔദ്യോഗികമായി …

ന്യൂഡല്‍ഹി: എംഎല്‍എ ആയിട്ടുള്ള താന്‍ ഇപ്പോള്‍ ലോക്‌സഭ തെരഞ്ഞെടുപ്പില്‍ മത്സരിക്കേണ്ട ആവശ്യമില്ലെന്ന് മുന്‍ മുഖ്യമന്ത്രി ഉമ്മന്‍ചാണ്ടി. കഴിവും ജനസമ്മിതിയുമുള്ള നിരവധി നേതാക്കള്‍ കേരളത്തില്‍ മത്സരിക്കുവാന്‍ കോണ്‍ഗ്രസിനും യുഡിഎഫിനും ഉണ്ടെന്നും തെരഞ്ഞെടുപ്പ് വിഷയത്തില്‍ കൂട്ടായ ചര്‍ച്ചയും തീരുമാനവും എടുക്കുമെന്നും ആ തീരുമാനം നല്ലതിനു വേണ്ടിയായിരിക്കുമെന്നും ഉമ്മന്‍ ചാണ്ടി പറഞ്ഞു. ഹൈക്കമാന്‍ഡ് ആവശ്യപ്പെട്ടാല്‍ മാത്രം മത്സരിക്കുന്ന കാര്യം പരിഗണിക്കുമെന്ന് പറഞ്ഞ ഉമ്മന്‍ ചാണ്ടി കേരളത്തിലെ ജനങ്ങള്‍ക്ക് ഈ തെരഞ്ഞെടുപ്പിന്റെ പ്രാധാന്യം അറിയാമെന്നും വ്യക്തമാക്കി.

ലക്‌നൗ :ഈ വർഷം ലോക്‌സഭയിലേക്ക് മത്സരിക്കാനില്ലെന്ന് കോണ്‍ഗ്രസിന്റെ പുതിയ ജനറല്‍ സെക്രട്ടറി പ്രിയങ്കാഗാന്ധി. നിലവില്‍ പാര്‍ട്ടിയെ ശക്തിപ്പെടുത്തുന്നതിലും തെരഞ്ഞെടുപ്പ് പ്രചാരണത്തിലും ശ്രദ്ധിക്കാനാണ് തീരുമാനം അതുകൊണ്ടു തന്നെ പ്രിയങ്ക ഇത്തവണ മത്സരിക്കുന്നില്ല. ഇതോടെ മുന്‍ അദ്ധ്യക്ഷ സോണിയാഗാന്ധി മത്സരിക്കാനുള്ള സാധ്യതയേറി. ലക്‌നൗവില്‍ പാര്‍ട്ടി പ്രവര്‍ത്തകരുമായി നടത്തിയ കൂടിക്കാഴ്ചയിലാണ് പ്രിയങ്ക ഇക്കാര്യം വ്യക്തമാക്കിയത്. നേരത്തേ റായ്ബറേലിയിലോ അമേഠിയിലോ പ്രിയങ്ക മത്സരിച്ചേക്കും എന്ന് ശ്രുതി ഉയര്‍ന്നിരുന്നു. ഇതിനായി കോണ്‍ഗ്രസ് സീറ്റ് മാറ്റി വെയ്ക്കുകയും ചെയ്തിരുന്നു. കഴിഞ്ഞ ദിവസം ലോക്‌സഭാ തിരഞ്ഞെടുപ്പില്‍ പാര്‍ട്ടിയെ ഒരുങ്ങുന്നതായി യുപിയില്‍ പ്രവര്‍ത്തകരുമായി പ്രിയങ്ക ഗാന്ധിയുടെ …

പെരുമ്പാവൂർ: യാക്കോബായ വിഭാഗത്തിന്റെ കൈവശമുള്ള പെരുമ്പാവൂരിലെ ബഥേൽ സുലോക്കോ പള്ളിയിൽ ഓർത്തഡോക്സുകാർ കോടതി ഉത്തരവുമായി  എത്തിയത്  സംഘർഷത്തിന് കാരണമായി. പുലർച്ചെ ആറു മുതൽ എട്ടര വരെ ഓർത്തഡോക്‌സ് വിഭാഗത്തിന് ആരാധനക്കുള്ള സമയമായി കോടതി നിർദ്ദേശിച്ചിരുന്നു.ഈ ഉത്തരവുമായി അമ്പതിലധികം ഓർത്തഡോക്‌സ് വിഭാഗക്കാർ രാവിലെ എത്തി.യാക്കോബായ വിഭാഗം പള്ളിയുടെ ഗേറ്റ് പൂട്ടുകയും ഓർത്തഡോക്‌സ് വിഭാഗക്കാർക്കുള്ള പ്രവേശനം നിഷേധിക്കുകയും ചെയ്‌തു. 1934 ലെ ഭരണഘടന പ്രകാരം പള്ളി തങ്ങളുടേതാണെന്നാണ് ഓർത്തഡോക്‌സ് വിഭാഗം ഉന്നയിക്കുന്ന വാദം.എന്നാൽ തങ്ങളുടെ പൂർവികരുടെ പള്ളി തങ്ങളുടേതാണെന്ന് യാക്കോബായ വിഭാഗവും അവകാശപ്പെടുന്നു . സംഘർഷ സാധ്യത കണക്കിലെടുത്ത് …

ന്യൂഡൽഹി: അനിൽ അംബാനിക്കനുകൂലമായി സുപ്രീം കോടതി ഉത്തരവ് തിരുത്തിയ രണ്ടു സുപ്രീം കോടതി ജീവനക്കാരെ ചീഫ് ജസ്റ്റിസ് രഞ്ജൻ ഗോഗോയ് പിരിച്ചുവിട്ടു.കോർട്ട് മാസ്റ്റർമാരായ മാനവ് ശർമ, തപൻകുമാർ ചക്രബർത്തി എന്നിവരെയാണു പിരിച്ചുവിട്ടത്. സംഭവം ഇങ്ങനെ -അനിൽ അംബാനിയുടെ റിലയൻസ് കമ്മ്യൂണിക്കേഷനെതിരേ എറിക്സണ്‍ ഇന്ത്യ കന്പനി സുപ്രീം കോടതിയിൽ നൽകിയ ഹർജിയിലുണ്ടായ ഉത്തരവിലാണ് ജീവനക്കാർ തീരുത്തൽ വരുത്തിയത്. ജനുവരി ഏഴിന് അനിൽ അംബാനിയോടു നേരിട്ടു കോടതിയിൽ ഹാജരാകാൻ സുപ്രീം കോടതി നിർദേശിച്ചിരുന്നു. എന്നാൽ ഈ വിധി സുപ്രീം കോടതി വെബ്സൈറ്റിൽ ഉൾപ്പെടുത്തിയപ്പോൾ അനിൽ അംബാനിയോടു നേരിട്ടു …

കോട്ടയം: രണ്ടു ലോക്‌സഭാ സീറ്റെന്ന ഉറച്ചനിലപാടിൽ നിന്നും പിന്മാറാതെ പിജെ ജോസഫ്.ജോസഫ് യുഡിഎഫ് വിട്ടാൽ രണ്ടുകൈയും നീട്ടി എൽഡിഎഫ് സ്വീകരിക്കുകയും കോട്ടയം ലോക്‌സഭാ സീറ്റ് ജോസഫിന് നൽകുകയും ചെയ്യും. ഈ പ്രത്യേക രാഷ്ട്രീയസാഹചര്യം കേരളത്തിലെ കോൺഗ്രസിനെ വിഷമവൃത്തത്തിലാക്കുന്നു.കെഎം മാണിയുമായുള്ള ബാന്ധവം ഉപേക്ഷിച്ചു യുഡിഎഫിൽ പ്രത്യേക കേരളാകോൺഗ്രസ് വിഭാഗമായി തുടരാനുള്ള താത്പര്യം പിജെ ജോസഫും മോൻസ് ജോസഫും കേരളത്തിലെ കോൺഗ്രസ് നേതൃത്വത്തെ മുൻകൂട്ടി അറിയിച്ചിട്ടുമുണ്ട്. ആറു സീറ്റ് മാത്രമുള്ള മാണിഗ്രൂപിൽ നിന്ന് പിജെ ജോസഫും മോൻസ് ജോസഫും മാറിയാൽ മൂന്നിൽ ഒന്നെന്ന നിലവരികയും കൂറുമാറ്റ നിരോധനനിയമം …

വത്തിക്കാൻ: കേരളത്തിൽ നിന്നുള്ള ചിറമേൽ മങ്കിടിയൻ തെരേസ എന്ന വാഴ്ത്തപ്പെട്ട മരിയം തെരേസയും ജോൺ ഹെൻറി ന്യൂമാൻ എന്ന കാർഡിനൽ ന്യൂമാനും വിശുദ്ധ പദവിയിലേക്ക്. കേരളത്തിൽ ഇരിങ്ങാലക്കുടക്കടുത്ത് പുത്തൻചിറയിൽ 1876 ൽ ജനിച്ച വാഴ്ത്തപ്പെട്ട മരിയം തെരേസ ഹോളി ഫാമിലി സന്യാസ സമൂഹത്തിന്റെ സഹസ്ഥാപകയുമാണ്.പരിശുദ്ധ മറിയത്തിൽ നിന്നു ലഭിച്ച വിഷന്റെ അടിസ്ഥാനത്തിൽ 1904 ൽ തെരേസ തന്റെ പേരിന്റെ കൂടെ മരിയം കൂടി ചേർക്കുകയായിരുന്നു. 1926 ജൂൺ 8 ആം തീയതി കുഴിക്കാട്ടുശേരിയിൽ വച്ചായിരുന്നു മരിയം തെരേസയുടെ മരണം. ആംഗ്ലിക്കൻ സഭയിൽ നിന്നും കത്തോലിക്കാ …

പുതുച്ചേരി: മന്ത്രിസഭാ തീരുമാനങ്ങളിൽ ലഫ്റ്റനന്‍റ് ഗവർണർ കിരൺബേദി ഭരണഘടനാ വിരുദ്ധമായി ഇടപെടുന്നുവെന്ന് ആരോപിച്ച് രാജ് നിവാസിന് മുന്നിൽ മുഖ്യമന്ത്രിയുടെ നേതൃത്വത്തിൽ നടത്തുന്ന ധർണ തുടരുകയാണ്. മുഖ്യമന്ത്രി വി നാരായണസ്വാമിക്കൊപ്പം സ്പീക്കർ വൈദ്യലിംഗം, മന്ത്രിമാർ, ഡിഎംകെ കോൺഗ്രസ് എംഎൽഎമാരും ധർണയിൽ പങ്കെടുക്കുന്നുണ്ട്. സർക്കാർ പ്രഖ്യാപിച്ച ഭൂരിഭാഗം പദ്ധതികളുടേയും ഫയലുകളിൽ തീരുമാനമെടുക്കാതെ ഗവർണർ കിരൺ ബേദി വൈകിപ്പിക്കുകയാണെന്നാണ് ആരോപണം. ഗവർണറുടെ നിയമ വിരുദ്ധമായ ഇടപെടലുകൾ അവസാനിപ്പിക്കണമെന്ന് ആവശ്യപ്പെട്ട് ഫെബ്രുവരി ഏഴിന് നൽകിയ നിവേദനത്തിന് മറുപടി ലഭിച്ചില്ലെന്നും നാരായണസ്വാമി ചൂണ്ടികാട്ടുന്നു. ഈ മാസം 21 ന് ചർച്ച നടത്താമെന്ന് …